Estekak eta sareak – HILAME. Erdi Aroan bizi izan ziren pertsonen prosoprografia bat.

Datu-adierazpide bisual, zinetiko eta interaktiboei buruz ikertzen eta ikasten laguntzeko sortu da «Estekak eta sareak» («Vínculos y redes»). Ikuspegiak aldatuz aurreikusten ez genituen emaitzak aurkitzeko aukeran inspiratzen da.

VÍNCULOS
Y REDES

SARTU

Orain pilotu bat ikusten ari gara; etenik gabe eraikitzen jarraitu nahi dugunaren prototipo bat. Gure eta hirugarrenen aplikazio batzuen arteko interoperabilitatea landu nahi dugu eta, halaber, datuen bistaratze dimentsioaniztuna lortu nahi dugu teknologiaren bidez.

Gure tresnan, gaur:

zirkuluak pertsonak dira (identifikatuak edo anonymi); nodo batera gerturatuta edo barrurantz zoom eginda agertzen da pertsona horien izena.
nodoen kolorearen bidez, sexua bereizteko kategoriak desberdintzen ditugu (emakumezkoa, gizonezkoa, zehaztugabea, biak eta beste bat) eta pertsonak kategoria horien arabera iragaz ditzakegu.
lerro grisek faktoideak irudikatzen dituzte eta pareen arteko loturen eta multzo baten barruko azpisareen berri ematen digute.
izenaren eta/edo deituren araberako bilaketa eginez, hautatutako pertsonak bistaratzen dira erdigunean (EGO)eta haien loturei buruzko informazioa agertzen da eskuinean zabaltzen den panel informatiboan.

NORABIDE HONETAN LAN EGITEKO INSPIRAZIO-ITURRI IZAN DITUGU:

Carlos Pampulim Caldeira, ekoinformatikari eta datu-baseei buruz egin zuen gogoetaren bidez: “A arte das bases de dados” (2011).
Manuel Lima, “Una historia visual del conocimiento humano” (2015) TED hitzaldiarekin eta ejemplos de su proyecto Visual Complexity lanarekin.
d3 proposamenen GitHub gordailu izugarria, lehenbizikoz The New York Timesen ikusia
Bestiario ko diseinatzaile eta arkitektoen kasu-azterketak
Redada Murcia proiektuko lantegia (2011), Jaron Rowanek eskainia, soziograma interaktiboak modu kolaboratiboan eraikitzeko motibatu gintuelako. Flash teknologia darabilenez, gaur egun ezin da bisitatu.
Tweet Topic Explorer eta Orbit doako aztertzaileak geroago ezagutu genituen; gure Twitter-eko kanaleko Analyticen osagarri gisa erabili genituen bere garaian. Zoritxarrez, haietako batek ere ez du aktibo jarraitzen. Gainera, 2025aren hasieran, gaur egun X izenez ezagutzen den sare sozialean genuen kontua izoztea erabaki genuen, haren bidez zientzia dibulgatzeko garai hobeak iritsi arte.
Víctor Pascual ere aipatu nahi dugu, irakaslea eta One Tandem enpresaren sortzaileetako bat. Harekin eta haren bazkide Pere Rovirarekin landu dugu «Estekak eta sareak» tresna, GDF formatuko esportazio batean oinarritutako Gephi irteera bat, gure datu-base prosopografikoko lehen aukeraketa batekin programatua.
Eta ezin ditugu alde batera utzi Arsenio Dacosta eta Cristina Calvo USALeko irakasleak, zeinek «Humanidades + DataViz» taldea koordinatu baitzuten HeC 2024 topagunerako (EHU, Gasteiz, 2024ko ekaina). Irrikan gaude urrats berri honen bidez datuen bistaratzean aurrera egiten jarraitzeko.